Lehrwicht of –jung (m/w/d/ostfr) för de Beruf „Kauffrau/-mann für Marketingkommunikation“

am .

Ostfriesland, Logo

 

De Ostfriesland Tourismus GmbH söcht  to de 1. August 2019

Een Lehrwicht of –jung (m/w/d/ostfr) för de Beruf „Kauffrau/-mann für Marketingkommunikation“

De Ostfriesland Tourismus GmbH hett hör Kontor in Leer un kümmert sük siet 2005 um de Werbung för Tourismus up de oostfreeske Halv-Eiland – daarto hören 50 Gemenen up de Eilannen, an de Waterkant of in de Binnenland. In uns Reklaamkontor („Marketingabteilung“) helpst Du uns bi all‘ Sorten van Reklaam (buten of binnen van de Internet) un holtst de Drahd to de Kollegen van de Tourist-Informationen un anner touristische Steden in uns heel Kuntrei. Du kriegst en heel Bült mit van de moderne Reklaamwelt (E-Commerce, Marketing un wo man Saken an Lüü verköfft). Daarbi laten wi uns alltied weer wat Neeis infallen un denken uns mooi Saken ut. De Lehrtied düürt 3 Jahr. Dat Kontor is  in Leer – wenn Du off un to mal ut Fenster kiekst, süchst du de mooi Haven van Leer. De Berufsschool is in Oldenbörg-Wechloy; de Fahrten daarhen betalen wi di.

Butendem sullst Du Di ok in anner Bedrieven (Werbeagenturen, Tourist-Informationen) umkieken. Un ok buten Oostfreesland sullst Du Di twee Weken lang de Arbeid ankieken. Up disse Maneer lernst Du alls ut de Reklaamwelt. Bi uns kriegst Du en heel ördentlike Utbilden mit en Koppel Lüü, de mit Spaaß bi hör Arbeid sünd un Di helpen. Bi uns tellt elk un een gliek, kien een kickt up de anner daal.

Wat wi van Di verwachten:

  • Leevde to Oostfreesland
  • tominnstens Realschool (ofsloten) of Abitur
  • dat Du Di ok mal wat Neeis utdenken kannst un good mit annern proten un arbeiden kannst
  • Allennig arbeiden könen sünner dat en de heele Tied seggt word, wat to doon is; Saken good up Rieg kriegen könen; ook mal een bietje mehr doon as nettakkraat nödig is
  • Dat Du de düütske Spraak good kennst – un heel geern ook Plattdüütsk
  • Dat Du gau wat begrippst un ok seker mit digitale Medien umgahn kannst
  • Buten de Saken, de direkt för de Arbeid wichtig sünd: wi will’n geern sehn, wat Du anners noch kannst

Wenn Du neeisgierig worden büst un geern bi uns Koppel mitarbeiden wullt, dann stüür Dien Papieren bit 22. Määrt 2019 över E-Mail an Oliver Knagge (Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!): https://www.ostfriesland.de/service/ausbildung.html